უახლესი ამბები

ქალთა საერთაშორისო ასოციაციის ორგანიზებით სამთავრობო ინიციატივა „პირველი ნაბიჯი უკეთესი მომავლისაკენ“ მიძღვნილი შეხვედრა-დიალოგი გაიმართა

22 12 2018 | ავტორი: admin
ქალთა საერთაშორისო ასოციაციის ორგანიზებით სამთავრობო ინიციატივა „პირველი ნაბიჯი უკეთესი მომავლისაკენ“ მიძღვნილი შეხვედრა-დიალოგი გაიმართა
საზოგადოება
0

საერთაშორისო ასოციაცია „საქართველოს ქალები მშვიდობისა და სიცოცხლისათვის” ორგანიზებით სამთავრობო ინიციატივა „პირველი ნაბიჯი უკეთესი მომავლისაკენ” მიძღვნილი შეხვედრა-დიალოგი გაიმართა. შეხვედრის თემა – „ქალთა როლი სამთავრობო ინიციატივების განხორციელებაში” იყო. მოწვეულმა სტუმრებმა ამ საკითხის მიმართ სხვადასხვა მოსაზრებები გამოთქვეს და ერთმანეთს საკუთარი გამოცდილება გაუზიარეს.

შეხვედრაში აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, შერიგებისა და სამოქალაქო თანასწორობის საკითხებში სახელმწიფო მინისტრის აპარატის აფხაზეთის ავტონომიური რესპუბლიკის, ყოფილი სამხრეთ ოსეთის ოლქის საკითხთა და სამოქალაქო ინტეგრაციის დეპარტამენტის უფროსი ზვიად ზვიადაძე, ქალთა და ომის ვეტერანთა ორგანიზაციების წარმომადგენლები, მწერლები, მეცნიერები, იურისტები და სტუდენტები მონაწილეობდნენ.