უახლესი ამბები

ირანის ქმედებების საპასუხოდ აშშ-მა სპარსეთის ყურეში ავიამზიდი „აბრაამ ლინკოლნი“ გაგზავნა

06 05 2019 | ავტორი: admin
ირანის ქმედებების საპასუხოდ აშშ-მა სპარსეთის ყურეში ავიამზიდი „აბრაამ ლინკოლნი“ გაგზავნა
გარესამყარო
0

ირანის ქმედებების საპასუხოდ, ამერიკის შეერთებულმა შტატებმა სპარსეთის ყურეში ავიამზიდი „აბრაამ ლინკოლნი“ გაგზავნა, – ამის შესახებ ეროვნული უსაფრთხოების საკითხებში აშშ-ის პრეზიდენტის მრჩეველმა, ჯონ ბოლტონმა განაცხადა.

ჯონ ბოლტონის თქმით, სამხედრო ხომალდის გაგზავნა არის ირანის რეჟიმის მიმართ ცხადი და უტყუარი სიგნალი, რომ აშშ-ის ინტერესებზე ან ვაშინგტონის მოკავშირეებზე ნებისმიერი თავდასხმა საპასუხო ძალას შეხვდება.

„აშშ-ი ირანის რეჟიმთან ომს არ ეძებს, მაგრამ ჩვენ სრულად მზად ვართ, რომ ნებისმიერ თავდასხმას ვუპასუხოთ“, – განაცხადა ბოლტონმა.

სააგენტო „როიტერი“ წერს, რომ სპარსეთის ყურეში ავიამზიდის გაგზავნა აშშ-ის სამხედრო ძალებზე შესაძლო თავდასხმებს უკავშირდება.