ავსტრალიელმა სამართალდამცველებმა კვინსლენდის შტატის ერთ–ერთ საცხოვრებელ სახლში 8 მოზარდის ცხედარი აღმოაჩინეს. როგორც პოლიციაში განმარტავენ, 18 თვიდან 15 წლამდე ასაკის დაღუპული ბავშვები და–ძმანი არიან.
მოზარდებს სასიკვდილო ჭრილობები ცივი იარაღით აქვთ მიყენებული. მათთან ერთად აღმოაჩინეს ბავშვების დედაც, რომელიც საავადმყოფოშია გადაყვანილი.
ტრაგედიის შესახებ პოლიციას დეიდამ აცნობა. როგორც პოლიციაში განმარტავენ ცხედრები უფროსმა, 20წლის ძმამ იპოვა. ადგილზე მობილიზებულია კრიმინალური სამსახური და მიმდინარეობს გამოძიება.