უახლესი ამბები

ვახტანგ ყოლბაია: ჩემთვის თავზარდამცემია იური ვაზაგაშვილის აფეთქება შვილის საფლავზე

22 01 2015 | ავტორი: admin
ვახტანგ ყოლბაია: ჩემთვის თავზარდამცემია იური ვაზაგაშვილის აფეთქება შვილის საფლავზე
კრიმინალი
0

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია იური ვაზაგაშვილის აფეთქების ფაქტს ეხმაურება. განცხადებას უცვლელად გთავაზობთ.

„კანონის უზენაესობის და სამართლიანობის დაცვა ქვეყანაში მშვიდობიანი ცხოვრების, სტაბილურობის მთავარი გარანტიაა.

ჩემთვის, როგორც ოჯახის პატრონისთვის, მამისთვის, ხელმძღვანელისთვის თავზარდამცემია არასამთავრობო ორგანიზაციის „გადაარჩინე სიცოცხლე“ ხელმძღვანელის, 2006 წლისს 2 მაისს კორტებთან მოკლული ზურაბ ვაზაგაშვილის მამის, იური ვაზაგაშვილის აფეთქება შვილის საფლავზე.

ადამიანურ ენაზე ასეთ საზარელ ფაქტს სახელი არა აქვს. ეს კიდევ ერთხელ ადასტურებს იმას, რომ საზოგადოებას გამოწვევას უგზავნიან ის პირები, რომელთათვის არაფერს ნიშნავს ადამიანური სიცოცხლე და დაუსჯელობის განცდით ცხოვრობენ ჩვენ გარშემო.

ვუსამძიმრებ დაღუპულის ოჯახს, ახლობლებს, სამართლიანობისთვის ბრძოლაში მის თანამოაზრეებს.

იმედს გამოვთქვამ, რომ შვილის და მამის მკვლელობა უსწრაფესად იქნება გამოძიებული“, – ნათქვამია განცხადებაში.