უახლესი ამბები

საქართველოს მეცნიერებათა აკადემიაში რაისა ქარაიას 75 წლის იუბილე აღინიშნა

04 03 2015 | ავტორი: admin
საქართველოს მეცნიერებათა აკადემიაში რაისა ქარაიას 75 წლის იუბილე აღინიშნა
მეცნიერება
0

საქართველოს მეცნიერებათა ეროვნულ აკადემიაში აფხაზეთის ავტონომიური რესპუბლიკის უმაღლესი საბჭოს დეპუტატისა და აფხაზეთის მეცნიერებათა ეროვნული აკადემიის წევრის – რაისა ქარაიას 75 წლისადმი მიძღვნილი სამეცნიერო კონფერენცია გაიმართა.

ღონისძიებას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის უმაღლესი საბჭოს თავმჯდომარე გია გვაზავა, აფხაზეთის უმაღლესი საბჭოს დეპუტატები და აფხაზეთის მთავრობის წევრები, სოხუმის უნივერსიტეტის რექტორი ჯონი აფაქიძე, აფხაზეთის მეცნიერებათა აკადემიის წევრები, კოლეგები და ოჯახის წევრები ესწრებოდნენ.

მისასალმებელ სიტყვაში მოწვეულმა სტუმრებმა ქალბატონ რაისას ღვაწლსა და დამსახურებაზე ისაუბრეს და მას დაბადების დღე მიულოცეს, ხოლო შემდეგ დრო კონფერენციის მომხსენებლებს დაეთმოთ.